Meri aarzo ka Bharam hai ye,
Kabhi waqt mile to Sochna,


Kahin Zindagi se koi rooth gaya,
Kahin Be-khudi main wo doob gaya,
Kuen Khushi ki uss ko Hawas nahin,
Kuen Be-wajah wo Hassa bohat,
Kabhi Tanha raha to Roya bohat,
Koi iss Jahan se choot gaya,
Meri aarzo ka Bharam hai ye,
Kabhi waqt mile to Sochna,
Muhabbaton se Munh Morr kar,
Be-basi ko Tatool kar,
Wafaon ki Bandish torr kar,
Khamosh betha hai Chup magar,
Yonhi Qalam chalay hai be-sabab,
Yonhi Jal raha hai wo Be-Talab,
Jab koi tumhara na Sath de,
Jab Khudi bhi Tum ko Maat de,
Jab raah rastay bhool kar,
Shab-o-roz Phiray Be-wajah,
Or Sabho se yehi bat kahay,
Khuda tujhe na aisa Maqam de,
Meri aarzo ka Bharam hai ye,
Kabhi waqt mile to Sochna.